Մոլեկուլային մակաբուծաբանության լաբորատորիա

Փորձարարական մակաբուծաբանության գիտահետազոտական խումբը գործում է ՀՀ ԳԱԱ Կենդանաբանության և հիդրոէկոլոգիայի գիտական կենտրոնի Մոլեկուլային մակաբուծաբանության լաբորատորիայի կազմում։ Խումբը ուսումնասիրում է մակաբույծ–տեր փոխազդեցությունները բջջային և հյուսվածքային մակարդակներում՝ կիրառելով մոլեկուլային, հյուսվածաբանական և իմունաբանական մեթոդներ։ Հատուկ ուշադրություն է դարձվում պատվաստանյութերի մշակմանն ու գնահատմանը, ինչպես նաև բնական և սինթետիկ միացությունների հակամակաբուծային ակտիվության ուսումնասիրությանը՝ համակցելով in silico, in vitro և in vivo մոտեցումները։ Խումբը իրականացնում է միջառարկայական հետազոտություններ մակաբուծաբանության և իմունապատոգենեզի ոլորտներում, համագործակցում է տեղական և միջազգային գործընկերների հետ և ներգրավված է բակալավրիատի ու մագիստրատուրայի ուսանողների պատրաստման գործընթացում։