ՀՀ ԳԱԱ  <<Կենդանաբանության և հիդրոէկոլոգիայի գիտական կենտրոն>> ՊՈԱԿ-ի Կենդանաբանական  թանգարանը Հայաստանի բնության ինքնատիպ կենդանական աշխարհը առավել լիարժեք  ներկայացնող միակ գիտամշակութային միավորն է, որտեղ ամբողջացված և ցուցադրված են Հայաստանի 1200-ից ավելի անողնաշար և 550-ից ավելի ողնաշարավոր կենդանիների ցուցանմուշներ: Կենդանաբանական թանգարանը հանդիսանում է գիտակրթական ստորաբաժանումը, որի կարևորագույն խնդիրը ՀՀ կենդանական աշխարհի ճանաչման և ուսումնասիրության համար գիտապատմական արժեք ներկայացնող հազվագյուտ տեսակների հավաքագրումն ու ցուցադրումն է։ Թանգարանը հիմնադրվել է 1920 – ական թվակններին։